1 Maand Anniversary de Valencia

Sjoe en was hierdie 1 maand nie een sonder 'n dull moment nie - dis verseker!!!  Aan hierdie kant van die water word memories gemaak wat ek nog eendag vir my kleinkinders gaan vertel 😃

Vandag is 'n vakansiedag hier want dit is Valencia se verjaarsdag - net ons in die stad het 'n af dag, die res van Espanol moet werk - nogals weird dink ek.  En die mense sluit dit mooi af met 'n "BANG" - sal kyk of ek video hier kan laai, want kry dit nie op FB nie.  Van 1 Oktober af skiet hul al elke aand fireworks om in die mood te kom, gisteraand was die groot show onder by die Turia (was eers 'n groot rivier reg om die stad wat hul toe in 'n groot park verander het). Ek het saam met die youngsters gaan uiteet en toe is ons nie lus om af te stap nie, kon in elk geval elke geluid hoor - dit het 12 uur begin en 20 oor 12 opgehou, kan nie glo dat huidjie en meidjie so van 'n klapper / geraas hou nie - en hier is BAIE honde en klein kindertjies en dit is glad nie 'n issue nie.  Vandag het natuurlik die koek gevat, ons is almal af na die groot plein toe in stad en daar het die Mascleta so voor 2 begin en vir 6 minute aangehou, ek dink dis die grootste geraas wat ek al in my 52 jare beleef het, dis klink rerig soos die oordeelsdag, maar beslis iets om te beleef, bly ek kon dit ervaar.  Daarna het ons gaan lunch en toe natuurlik 'n bietjie siesta - is mos in espana !!!!

Met die spaanse klasse gaan dit ook goed, ons het baie fun en kry hopelik 'n paar woorde geleer tussen al die sports deur.

Probeer ook om nog 'n paar studente te kry wat wil engels leer, dis maar moeilik om erens in te kom, want hier is BAIE britte en ex teachers en dis natuurlik tot jou voordeel met ondervinding, maar glo ek sal nog 'n paar in my kraal kry.

Die weer begin ook nou bietjie koeler raak, dit is nog steeds so middel tot hoog 20s deur die dag, maar al wat 'n spanjaard is het hul baadjies en truie afgestof en soggens vroeg en saans lyk dit of hul koud kry - vir my is dit natuurlik heerlik, kan maar nog langer warm gebly het.

Hopelik kry ek my bank kaarte in die volgende week of 2, hou maar asb almal styf duime vas, dalk help dit !!!!

En dan moet ek eers koebaai se want het 'n date .....

   Saterdag se outing saam die girls

   Valencia Hawe

  Mascleta

   tapas

   nope kry nie die video reg nie